ركيك الاقوال في مدح الثائرات

وقد اخترت نغسي كممثل للسودانيين ساكتب وساسجل صوتيا مايلي من: سلسلة "ركيك الاقوال في مدح الثائرات:

Lyrics: Tarig....

Singer: Charles...

كلمات: طارق ....

الحان واداء: جارلس....

Song fot Tal almalohy  (اغنية لطل الملوحى (1

Song fot Tal almalohy  (اغنية لطل الملوحى (2

مساهمتي لطل العربية الابية بالعامية السودانية:

قلت فيك كلامنا

اتعديت حدودك ما اتعديت صادق حكاية احوالنا

وقلت ناديت من الهذيان ماهذيت, هتفت بي كلامنا:

.......................

يامجمرة ومصقولة بلهيب شوقنا

لي شرفنا

شرفنا داك الخناهو فاتنا

مشي!  ليهو مالحقنا

كلبا عيونو خضر زمان اغبر جانا

الاسد اتربع واتوسد كل شانا

سرق واغتصب

 قتل  ونهب اموالنا

خان لي شرف الامانة

 للعدي بتمن رخيص

باعنا

بي تمن كرسي السلطة

الكرسي داك, داك البقي لي حكام العرب منال ومنية

مفارقتو صعبة متل فراق الصحة العافية

و اكدتو  ثورات العرب الوصلت واللسه ماشية وديك الجاية

نعم! نعم نحن تعبنا وضاق حالنا

واتفرق الوادي بي سودانا

وشربنا الذل كاسنا

ولما سكرنا,هتفنا وصلينا و دعينا: يارب نجينا!

من "العلوي" الكافر استرنا واحمينا

شيطان ومارد الاسد, يالله,  اتحكم فينا

وجيتينا

ملاك امين جيتينا

والاف مردفين لحقيتنا

حبيبة رب وزعيمة حور نحن بهرتينا

ما كلبن عيونو خضر جيتينا قبل مايرضي الخالق يحمينا

ويديكي لينا يهديكي هدية اخلاء واصحاب  فيكي

جيتينا نزعتي توب الخوف

ولبستينا عباية الهمة العالية!

يا عالية!

في سموات الله مذكورة ومحمودة شفتك انا انتي

وانا المظلوم, لي حكمي تترج السما والواطة تبكي

وجيتينا انتي

وكبرتينا انتي

وعلمتينا كيف تكون ثوار

كيف نرجّع شرف القبيلة الاسود سرقوه عار

آي والله عار

عار شرفنا داك يوم  شوفتك يا السمحة نط عرض ودرويش في السماء طار

***** دقة طار ورقصة دبكة وترنيمة خليفة نحن لي زمنك  نُظّار

******مرسيل مرسال جيتبنا شايلة الميقات

وساعدتينا وشهلتينا ووصيتنا الشجاعة

حصّلنا القطار  قبل ما الاوان يمون فات

ووصيتينا الثورة قرآن مابتنسي ولا بنمحي ابد الاوقات

مات الخوف فينا لما جيتينا

مات الخوف فينا لما جيتينا بنية حبوبة وصبية "حليوي" تشعل ثورتنا بي "غنيوي"

عن غزي قالت ولي كبير الهمم تبتبت نادت

وجات الملايكة, وجات الملايكة  مردفين شباب اترادفت وترصت

وخاف الاسد

خاف الجبان يرتعد

كورك وامر: خلو السجن ليها خدر

تبراهو لاتفارقو شبر

عذوبها بالنار واحرموها الحبر

عايزة تنشر الثورة خبر؟

خوفتنا! دي مارد شيطانة! مابتخاف امريكا واسرائيل, دي ظنيتها  مابشر!

والحكابة ياناس

من الاساس

انو

طل شافت!

وفهمت

ووعت

واتاثرت

وبكت

ولمحرم القصيد نار حرقة اصيل مستَعبدن كتبت

قام الاسد وقرر زأر لي صوتها ابدية الكبت

خمسة سنين كاملات

خمسة سنين ملاعين

في زنازين الاسد السجون

اسمها طل

وهي طل

عذوبة رحيق نشيد الثورة

عسل تقطر  تسيل

اتمسحنا بي بركتها ولحسنا كمان بالامنيات كنا تشيل

طل ياناس قصيدة

طل قديسة

طل قامة فارس ممشوقة

وصوت حق للعذوبة طالة مستحية الخطاوي عاشقة خجول وجلة!

وطل انسانة

وطل فنانة

وطل سيف حق ماجبانة

خوفت الاسد بلجت النور

واعية بي قضايانا ما متهورة بي الجُبٌنْ شربانة

وزعت السرور خبر للملأ منشور

مصر وتونس لي بر الامان عدوا ماتعابا ماكجيانة

واليمن وسوريا جارية عطشانة

وليبيا وصلت باب العزيزية من الكتائب ماشردانة

وتانين! وتانين, ديك  زي السودان مساكين

نايمين!

آذان الثورة مرّ فات ماسامعين

وصلاة جنازة الشهيد ناسيين

مساكين ديك الزي السودانيين

اصابن الوهن (اي اصابهم)

وذلة زمن

زمن جبار  

خلاهم في العار

خايفين من الاسود الاشرار

البشير وجماعتو الفجّار

للرب خانو رسالة الانقاذ مرسال

مرسال, اعوذ بلله,  كذّب قوموا الاقوال

آي والله  صدقتي, انوا:

لعنة الله علي بعض العرب

وان تبت يدا بعص العرب

نادت طل آذان القصيد للعرب

يارب: ماتصيبنا دعوة الرب

ونحن مابين الخوف والكسل

نايمين في اوهام العسل

يجي المسيح العادل البطل

يملا الواطة عدل

واهو بجي! ما بطوّل ماياهو المذكور بالمخلص البطل

ولي طل فاتحتنا بتتواصل. شيوخ ما ناسن دجلّ

مازي جماعة الانقاذ

كذابين انجاس

قطَعوا اوصال الوطن وحرموا التواصل اجناس

لعنة الله علي مجرمي العرب وسواس ملعون خناس!

زعماء زمان الانحاس

تبت يدا بعض العرب

قاتلي الروح حكام ملاعين انجاس

وسلام  عليك يا طل!

ماتطولي الطل

واغشينا للسودان طل جا بعد محَل

والسماء تشيل تردد

تناديك تردد

وانتِ حل بهذا البلد لن يصيبك يا طل الثورة سوي المدد****

دراويش ومحبين "مهدي" كثير العدد

ناس السودان شجعان,يا طل, وبلا عدد

بس الزمن جبابالبشير عبد وللدجالين اصحاب اللحي المجانين اتصيد و اتسيد

وبالمجرمين قوي اتشدد

******ورقص انا ارجل زول في الوادي ردد "والماعاجبو يلحس كوعو"ا’ كرر كتير ردد

معليش.  تزول الغمة والفرح يطول يمتد

ثوار للابد

سلام علي ثوار العرب , كل العرب  للابد

ولعنة الخالق علي بعض العرب سبر منحوس  للابد

والعزة والكرامة لطل الثورات تلك المباركة المدد

وبغير عدد, نحن,  نشيل نردد الدعاء وكلنا فرد

يارب! بارك  في "طل" ثورات العرب تلكا المباركة المدد

يذكرها كتاب تاريخ الامجاد

والمداد للقلم اتعاند وابي يكمل اتمدد كتر ساد

سلام عليك في الثوار

سلام عليك في الابرار

سلام عليك قي عذب  قصيد الاشعار

وسلام عليكٍ وانت كل الاشعار

طلٌ اعذب الاشعار: محمٍّسة ولتاريخ بكرة محدثة من الاخيار

يابنية من نور!

في بابك يكمل الكلام جوه يغور

البصر يرتد مبهور

الوان باخضر الطيور

في خصلاتها نور

اصحاب سرور

ورضا كريم شكور

اعذريني يا غاليتنا ما تزعلي

ما كمل وصفك ياطيبة الاصل  اعذري

بس, بس كمل مداد قلمي!

وانتي وصفك مابنتهي وكملت حروفي

وداعي

وسلامي

وتشريفي

كنت لي شعري ضيفة

ماوفيتك حقك

وما احسنت وصفك

يغفر لي الرب مالك الملك

ويشفع لي نبيوه حبيب مالك الملك

بخستك حقك

ولكن من محبتي ليك اتجاسرت حدك

يا طلٌّ غوث ثورة زمانك

لا تعرف الجبن والشح حال لخزائن الرحمن مالك

مالك بامر الرب مالك!

*المحل: بفتح الميم وتسكين الحاء - التي لا يزال يستعملها اهل السودان الي اليوم لوصف حالة الجدب والجفاف. الفاظ اللهجة السودانية في شعر المتنبي ... بقلم: عبد المنعم عجب الفيا. نشر كمقال في صحيفة سودانايل الالكترونية.

http://sudanile.com/2008-05-19-19-50-02/441-2009-02-02-10-34-09.html

** طل: والطل لغويا هو الظهور ومن الطل عند اهل السودان الطلة وهي الظهور او الزيارة وتحفل بها الاغاني السودانية بلغة الدارجة العوام وطلنا هنا, طل بحضور صبية من سورية, لم تبلغ بعد تمانية عشر من عمرها عندما اعتقلتها سطوة "الاسج" وزجت بها الي خمس سنوات قضت منهن اثنتين عجيفات, لانها نشرت مدونة الكترونية تكتب فيها شعرا وبعض النثر من قصص واقوال. كانت كتاباتها جادة ومهذبة وصبية. لم تتناول كمدونات اقرانها تافه وسطحي واهتمام العوام من المواضيع. طل جرمها كان انها كتبت قصيدة ذكرت فيها بيتا يقول "تبت يدا بعض العرب" فحوكمت امام محكمة عسكرية بتوهين الهمة الوطنية والتجسس ونشر اخبار استراتيجة عن البلد وخيشه

ولم تتخلف منظمة او جهة الا وخاطبت وترجت الاسد ان يطلق سراح الطفلة ولكن طيلة جدوي, حتي اسرتها والي يومنا هذا لم يسمعوا عنها يوم ان اعتقلوها واخذوا معهم دفاترها المدرسية وجهاز حاسوبها وصورها وتركوا لاسرتها فراغ جرح المه لايندمل وحسرة بل وغضب من العالم باجمعه

وقد كتبت ووثقت جهات عدة ومنظمات محلية وعالمية لجريمة سجن الصبية طل ويبقي الامل ان تجئ طل اميرة المعتقلات والمسجونات ظلما وخوفا من نورهن وهن كثير من السوريات تتفاوت اعمارهن واوضاعهن الاجتماعة والحالة الشخصية والصحية وبعضهن حوامل واخريات تركن اطفالا رضّع وفؤاد الاسد اصلب من صخور الجولان وافرغ من الشريط الامني لضمان استمرارية وجود اسرائيل رعاه الاسد امينا وعبد طائع لاسرائيل هو ووالده قاتل ومبيد الالاف من اهالي مدينة حماة لا تتزال تتجرع الالم بذكري اباء واخوان واقارب واخوات وامهات وزوجات وحبيبات وعشيقات

وهدير الثورة قد بلغ اذان الاسد ارتج عرينه خوفا وامر بمزيدا من القتل فاشتعلت الثورة فرسانها شباب غض يتبوءون مقاعد للقتال تطل علي قصر الدكتور الزعيم القاتل بن القاتل وكاذب قومه وخائنهم وسارقهم وبائع شرفهم ومنتهك اعراضهم واكاد اسمع بكاء الاسد وهو يصلي خوفا من المآل :" رَبِّ ارْجِعُونِ * لَعَلِّي أَعْمَلُ صَالِحًا فِيمَا تَرَكْتُ {المؤمنون:99-100}

وتنادي في الثورة ان لو أعدتيني إلى الدنيا لأكون فيك خوف الخطاب من ربه في حق قومه عليه

ولاجعل لك دستورا بعدل الخليفة العادل ايضا عمر ولكن بن عبدالعزيز

و�